یئتمیشلی ایللرده هله تربیت کتابخانا سیندا چالیشاندا گورموشدوم اوستاد خانلو نی ،
بیر قطعه عکس آپاردیم ، اورا عضو اولوب کارتیمی آلدیقدان سورا ، گلدیم کتاب تحویل آلان یئره ، بیر ایکی دانا کتاب آدی یازمیشدیم ،
آقای خانلو پئش تاختا ( پیشخوان ) آرخاسیندا اوتورموش کتاب اوخویوردو ، منی گوردوکده دوروب گلدی یازدیغیم لیستی آلیب ، بیر گوز دولاندیردی ، بیر سوز دئمه دن قاشلارین دویونله ییب کتاب مخزنینه دوغرو گئتدی ، اوز اوزومه بئله دوشونوردوم کی ایندی الی بوش قاییدیب منه یوخ جاوایی وئره جک ، بیر نئچه دیقه سورا اون جیلده یاخین کتاب گتیریب میز اوسده قویدو تعجب لندیم کی گوره سن بولاری کیمه گتیریب ؟ آخی مندن سورا بوردا بیر کس یوخدی ؟
کتاب لاری میز اوسده قویوب هامیسین اوخوموش کیمی ، بیر بیر ایضاح ائتمه یه باشلادی ، منه دئدی کی ؛
سن ایسده دیغین کتاب یوخدو آنجاق سن اوچون بولار
یاخشی کتابلار دی .
ایندی یادیمدا قالان ؛ ( نهنگ سفید) هرمان ملویل دن ، ( روستای ما) محمود ماکال دان
( مائده های زمینی )آندره ژید دن باشقالاری یادیمدا دئیل ،
او زامان کتابخانا قایداسی بئله ایدی کی بیر کتاب وئریب کارتی آلیردیلار ، تا اونو گتیریب تحویل وئره نه قده ر کارت اوردا قالمالیدی ،
آنجاق بو قده ر گوزل کتابلاری گوردوکده ،
طاماحلانیب دئدیم کی اولار ایکی سین آپارام ؟
اوچون آییریب آدلارینی یازیب منه وئرکن دئدی کی ؛ اوخوماق شرطی اییله ، آمما امتحان آلاجاغام هاا
سانکی بیر بویوک ثروت تاپمیش کیمی کتاب لاری آلیب چیخدیم ،
آقای منصور خانلو اییله ایلگ گوروشوم بئلنچی ایدی ، سورالار هفته گئچمز باش ووراردیم ،،
اوخوماقدان – یازماقدان بیر آن ال چکمزدی مگر گلیب بیر مشتری یولا سالماق اوچون ، باستر کیتون کیمی جدی و عبوس قیافه آرخا سین دا فوق العاده بیر طنز مایاسی وارایدی ، دئیه بیلرم کی کتابخانا عضولری نین هامیسین تانییردی ، هرکسی دانیشدیریب ، قولتوغونا بیر ایکی کتاب وئریب ، طرفی گولدورب یولا سالاردی ، اوندان کیتاب آلماغی بونا اوخشادیرام کی ، سانکی اوتوروب سفره باشیندا لذتله بیر یئمک یئییر و هر گلنی ده اوره کدن او سفره نین باشیندا اتوروب بو لذته شریک اولماسینا دعوت ائله ییردی هئچ اولماسا بیر تیکه توتوب وئریردی ، بیر سوزده اوز ایشیندن لذت آلان و تام معنی دا عشق اییله اونو یئرینه یئترن بیریسی ایدی ،
هرزامان اوندان کتاب آلارکن بئلنچی بیر حسیم اولاردی کی سانکی کتابین اوز یازاری
الیندن آلیرام .
پ ن : پیج لرین بیرینده اوستاد منصور خانلونون ایل دونومو حاقیندا بیر یازی گوروب ، اونون بیر یازار و کولتور خادمی کیمی خاطیرین آن ماق اوچون ، بو پستی حاضیرلادیم ،
یادی قالارقی اولسون .
کریم دلاویز
آقای خانلو پئش تاختا ( پیشخوان ) آرخاسیندا اوتورموش کتاب اوخویوردو ، منی گوردوکده دوروب گلدی یازدیغیم لیستی آلیب ، بیر گوز دولاندیردی ، بیر سوز دئمه دن قاشلارین دویونله ییب کتاب مخزنینه دوغرو گئتدی ، اوز اوزومه بئله دوشونوردوم کی ایندی الی بوش قاییدیب منه یوخ جاوایی وئره جک ، بیر نئچه دیقه سورا اون جیلده یاخین کتاب گتیریب میز اوسده قویدو تعجب لندیم کی گوره سن بولاری کیمه گتیریب ؟ آخی مندن سورا بوردا بیر کس یوخدی ؟
کتاب لاری میز اوسده قویوب هامیسین اوخوموش کیمی ، بیر بیر ایضاح ائتمه یه باشلادی ، منه دئدی کی ؛
سن ایسده دیغین کتاب یوخدو آنجاق سن اوچون بولار
یاخشی کتابلار دی .
ایندی یادیمدا قالان ؛ ( نهنگ سفید) هرمان ملویل دن ، ( روستای ما) محمود ماکال دان
( مائده های زمینی )آندره ژید دن باشقالاری یادیمدا دئیل ،
او زامان کتابخانا قایداسی بئله ایدی کی بیر کتاب وئریب کارتی آلیردیلار ، تا اونو گتیریب تحویل وئره نه قده ر کارت اوردا قالمالیدی ،
آنجاق بو قده ر گوزل کتابلاری گوردوکده ،
طاماحلانیب دئدیم کی اولار ایکی سین آپارام ؟
اوچون آییریب آدلارینی یازیب منه وئرکن دئدی کی ؛ اوخوماق شرطی اییله ، آمما امتحان آلاجاغام هاا
سانکی بیر بویوک ثروت تاپمیش کیمی کتاب لاری آلیب چیخدیم ،
آقای منصور خانلو اییله ایلگ گوروشوم بئلنچی ایدی ، سورالار هفته گئچمز باش ووراردیم ،،
اوخوماقدان – یازماقدان بیر آن ال چکمزدی مگر گلیب بیر مشتری یولا سالماق اوچون ، باستر کیتون کیمی جدی و عبوس قیافه آرخا سین دا فوق العاده بیر طنز مایاسی وارایدی ، دئیه بیلرم کی کتابخانا عضولری نین هامیسین تانییردی ، هرکسی دانیشدیریب ، قولتوغونا بیر ایکی کتاب وئریب ، طرفی گولدورب یولا سالاردی ، اوندان کیتاب آلماغی بونا اوخشادیرام کی ، سانکی اوتوروب سفره باشیندا لذتله بیر یئمک یئییر و هر گلنی ده اوره کدن او سفره نین باشیندا اتوروب بو لذته شریک اولماسینا دعوت ائله ییردی هئچ اولماسا بیر تیکه توتوب وئریردی ، بیر سوزده اوز ایشیندن لذت آلان و تام معنی دا عشق اییله اونو یئرینه یئترن بیریسی ایدی ،
هرزامان اوندان کتاب آلارکن بئلنچی بیر حسیم اولاردی کی سانکی کتابین اوز یازاری
الیندن آلیرام .
پ ن : پیج لرین بیرینده اوستاد منصور خانلونون ایل دونومو حاقیندا بیر یازی گوروب ، اونون بیر یازار و کولتور خادمی کیمی خاطیرین آن ماق اوچون ، بو پستی حاضیرلادیم ،
یادی قالارقی اولسون .
کریم دلاویز
